Kuwa sehemu ya mabadiliko unayotaka kuyaona

Jiunge na vuguvugu letu ili kuleta mabadiliko unayoyataka Tanzania: mabadiliko yanayotengeneza ajira, kuleta heshima na furaha kwa watu wake.

Sina barua pepe

Tunachokisimamia

Dhima yetu ni kuleta mabadiliko yatakayoiendeleza Tanzania kwa kutengeneza maisha ya furaha na heshima kwa Watanzania wote. Mabadiliko haya yatafanikishwa kwa kuwa na:

Uchumi unaokuwa na jumuishi ambao unatengeneza ajira.
Huduma bora za kijamii na zinazopatikana kwa watu wote.
Polisi yenye kuwalinda na kuwatumikia watu yenye kujali taaluma na ukweli.
Muungano wa watu (siyo wa Serikali), ambao ni wa haki na uliojengeka katika misingi ya kuheshimu haki za binadamu.

Jamhuri yetu ya Muungano lazima iwe na uchumi wa kisasa, wenye mafanikio na uliopanuka na unaoweza kutengeneza ajira. Kama taifa, tuna fursa ya kustawi na kumtoa kila mmoja wetu kutoka kwenye dimbwi la umasikini. Lakini Serikali ya sasa inasimamia uchumi dumavu na unaosuasua katika ukuaji wake na hivyo kuendelea kuwafukarisha watu.
Tutajenga uchumi imara, unaokuwa na jumuishi utakaosimama juu ya misingi ya uwekezaji kutoka nje, ukuaji wa sekta mahususi na kuifanya Tanzania kuwa mlango wa kuingilia Afrika Mashariki.

Endelea kusonga

Ruka

Tunachokisimamia

Huduma za Kijamii

Tutahakikisha tunatengeza mazingira ya upatikanaji sawa wa huduma za kijamii kwa wote. Mfumo wetu wa elimu lazima uendelezwe na kufanywa kuwa wa kisasa, tukitoa kipaumbele kwa sayansi na teknolojia ili kusaidia kuongeza nguvu ya ukuaji wa uchumi wetu.
Umahiri unahitajika ili kuhakikisha Tanzania inaweza kushindana na walio bora duniani, kuhakikisha kwamba tunazalisha wahitimu bora na wabunifu ambao si tu wanaweza kuajirika bali pia wanaweza kuuhudumia uchumi unaokuwa.
Uchumi unaokuwa unahitaji taifa lenye afya. Tutajitahidi kuhakikisha upatikanaji wa huduma bora za kiafya na kwa wote zitakazotolewa na vituo imara vya afya na vya kisasa. Kinga itakuwa ndiyo kipaumbele chetu lakini pia tutahakikisha kwamba tiba zitakazotolewa kwa wanaohitaji ni za ubora wa hali ya juu duniani.

Endelea kusonga

Ruka

Tunachokisimamia

Polisi

Tanzania inastahili polisi yenye kujali taaluma na ukweli ili iweze kuwalinda na kuwahudumia watu wote.

Chini ya Serikali ya sasa, jeshi letu la polisi linatumika kama chombo cha Serikali, likiwa na lengo la kuwaadhibu maadui wa Dola. Jeshi la polisi kwa sasa linawatumikia wale tu waliopo madarakani.

Tutahakikisha tunajenga taasisi ya polisi ambayo ni huru na ambayo itakuwa tiifu kwa Katiba ya nchi na si kwa mtu au chama cha siasa.